Личный счет


tio.by
tio.by
Як прывучыць курыцу прыдарожнага сэрвiса несці залатыя яйкі? I хто каму павiнен зрабiць крок насустрач: аўтамабiлiсты або прадпрымальнiкi? Гэтую тэму сёння аналiзуе "Народная газета".

“Аўтаўладальнікі рэдка спыняюцца, бо мала аб’ектаў сэрвісу належнага ўзроўню, а бізнес не інвесціруе ў гэту сферу, бо нізкая інтэнсіўнасць руху транспарту. Лічыць, што выгадна працаваць там, дзе праходзіць больш за 6-8 тысяч машын за суткі. А ў нас на некаторых адрэзках нават міжнародных калідораў часам бывае менш за 2 тысячы”, - тлумачыць старшыня Рэспубліканскай канфедэрацыі прадпрымальніцтва, уладальнік двух аб’ектаў прыдарожных паслуг Віктар Маргелаў.

Вырвацца з гэтага замкнёнага кола можна, лічыць ён. Трэба даць інвестарам і ўладальнікам прыдарожнага сэрвісу дадатковыя льготы. У свой час такая тактыка, напрыклад, дазволіла хутка раскруціць аграэкатурызм.
Інтэнсіўнасць развіцця прыдарожных паслуг залежыць і ад менталітэту айчынных аўтамабілістаў - уладальнікаў легкавушак, на якія, па некаторых падліках, прыходзіцца больш за 60% транспарту, што рухаецца па галоўным міжнародным калідоры нашай краіны - брэсцкай трасе. Калі нашы суайчыннікі перастануць браць у дарогу бутэрброды, а будуць спыняцца ля прыдарожнага кафэ, тады і бізнес пачне з цікавасцю развіваць сэрвіс. Праўда, і ўладальнікі прыдарожных пунктаў харчавання павінны зрабіць крок насустрач. Цяперашнія 5-8 долараў, якія вымушаны аддаць у некаторых прыдарожных кафэ наведвальнікі, для замежных аўтаперавозчыкаў, магчыма, і не шмат. Але для беларусаў гэта немалыя грошы.

Каб вырашыць праблему белых плям айчыннага прыдарожнага сэрвісу, лічаць эксперты, неабходна, каб дзяржава яшчэ больш ільготнымі падаткамі стымулявала развіццё прыдарожнага сэрвісу, а прадпрымальнікі не гналіся за высокімі прыбыткамі, а павышалі якасць паслуг і зараблялі за кошт павелічэння колькасці кліентаў. Паспрыяць развіццю прыдарожных паслуг мог бы і рост даходаў насельніцтва.

Пры выкананні гэтых і некаторых іншых умоў транзітны калідор Беларусі мог бы ператварыцца ў прывабную гасцёўню, якая будзе прыносіць дывідэнды і дзяржаве, і прадпрымальнікам, і насельніцтву".
Нужные услуги в нужный момент
-10%
-20%
-15%
-30%
-50%
-10%
-20%
-25%
-20%
-20%
0058043