Публичный счет


%D1%84%D0%BE%D1%82%D0%BE%3A%20DELFI.LT
фото: DELFI.LT
Мiнicтр адукацыi Беларусi Сяргей Маскевiч лiчыць, што cicтэму фiнансавага менеджменту ў галiне можна аптымiзаваць, памiж школьнымi настаўнiкамi павiнна быць здаровая канкурэнцыя i лепшым неабходна плацiць больш высокiя заробкi. Такую думку ён выказаў у iнтэрв'ю газеце "Звязда". Пачаць аптымiзацыю плануецца з Мiнска.

- Як вы ставіцеся да фінансавання адукацыі з разліку на кожнага вучня? Магчыма, ёсць сэнс прыгледзецца да эксперымента, які праходзіць у Расіі?

- Сапраўды, у Расіі праводзяць эксперымент, і грошы ў выглядзе ваўчара прывязваюцца да канкрэтнага дзіцяці. Фінансаванне такім чынам ідзе следам за вучнем, прымушаючы педагогаў змагацца за кожнае дзіця. З іншага боку, узрастае і роля педагога, паколькі дзіця ідзе ў школу, дзіцячы садок ці гурток не проста так, а за канкрэтным педагогам. Прыйшоў вучань займацца ў гурток - ёсць грошы, не прыйшоў - грошай ва ўстановы не будзе. Таксама і са школамі.
 
А ў нас у цэнтрах дадатковай адукацыі ў гурток ці секцыю могуць прыходзіць нярэдка ўсяго некалькі вучняў. Ці ж гэта правільна? Сёння бюджэтныя рэсурсы на адукацыйную дзейнасць выдзяляюцца пад канкрэтную ўстанову, якая арганізуе працу гурткоў і студый. Вынікі працы педагогаў, задаволенасць вучняў пры гэтым слаба ўплываюць на заробак і педагогаў, і дырэктара.
 
Напэўна, і нам трэба думаць, як аптымізаваць сістэму фінансавага менеджменту, каб была здаровая канкурэнцыя, каб педагогі, якія таго заслугоўваюць, атрымлівалі больш высокія заробкі. Але гэтую сістэму трэба ўкараняць з вялікай асцярожнасцю, бо разважаць лягчэй, чым дзейнічаць на практыцы. Натуральна, што ў вялікім горадзе ў вучняў заўсёды было больш магчымасцяў для задавальнення ўласных адукацыйных патрэб, для выбару навучальнай установы і педагога. А як быць з укараненнем такога механізму ў сельскай мясцовасці? Але мы ўсё ж такі плануем эксперымент па фінансаванні з разліку на кожнага вучня ў Мінску. Дамоўленасць у нас ужо ёсць.
Нужные услуги в нужный момент
-30%
-40%
-30%
-10%
-20%
-20%
-20%
-40%
-50%
-25%
0058415