Личный счет


Алена Дзядзюля,

Уласнае паляванне на "сэканд" я распачала з гандлёвага рынку "Ждановічы". Безумоўна, тут самы вялікі выбар патрыманых рэчаў, і самыя вялікія "разбежкі" ў коштах на іх. Маладыя хлопцы зазываюць да сталоў, дзе ўсе шмоткі звалены ў кучы. На сталах з "абсалютна новымі" рэчамі, можна выбраць любую па кошце 50 ці 100 тысяч, патрыманае мужчынскае і жаночае адзенне прадаецца за 30 тысяч, на асобным стале — шапкі, кепкі — за 20, купальнікі — за 40, дзіцячыя рэчы — за 20, 30 тысяч.

Калі пабадзяцца сярод гэтых развалаў, можна выйсці і на прадаўцоў, якія гандлююць таварам па 10 (а то і па 5 тысяч) за любую рэч. Пасля пачутага чарговага прызыву далучыцца да распродажу, ды яшчэ (як запэўніваў "зазывала") выбраць "рэчы, якія носяць алігархі", далучаюся да капальнікаў у шмотках. Побач са мной вядуць "раскопкі" муж з жонкай. У іх ужо ёсць такія-сякія здабыткі, хаця мужчына жаліцца, што ў яго ўжо рукі баляць "капаць". Патраціўшы пэўны час на падобную справу, адыходжу ні з чым. Больш за тое, падалося, што корпалася ледзьве не ў сметніцы — сярод усяго гэтага "багацця" трапляліся і рэчы брудныя, і забароненыя для продажу. Між іншым, продаж "з кучы" — адзін з прыёмаў зацягвання кліента. Чалавеку, які столькі часу патраціў на пошук, проста крыўдна будзе пайсці без пакупак.
 
У развалах з дзіцячай вопраткай пакапацца, напэўна, усё ж варта — мае "калегі" набіраюць стосы маек, шортаў і штонікаў на гадавалага малога. Дзіцячы тавар трапляе на прылаўкі ў больш прывабным стане. Проста еўрапейская дзятва, як і любая іншая, вырастае так хутка, што не паспявае "забіць" сваё адзенне.
 
Калі не хапае вытрымкі на "раскопкі", можна збочыць да сталоў і палатак, дзе прадаецца ўжо адсартаваны "сэканд". Але вы адразу адчуеце розніцу ў коштах. Дарэчы, я бачыла, як самі прадаўшчыцы "дапамагалі" асобным рэчам з развалаў перакачаваць у "адборны" сэканд.
 
Між іншым, адсартаваны ждановіцкі "сэканд-хэнд" па кошце можа быць вышэйшым за той, што прадаецца ў крамах, дзе ўсё гэта акуратна развешана па кранштэйнах. Для параўнання, на "Жданах" жаночыя блузкі, майкі, сарочкі ідуць па 75-95 (і вышэй) тысяч, а ў краме на цэнніках я бачыла лічбы ад 28 да 115 тысяч (пры гэтым найбольш часты кошт — у межах 50-60 тысяч, за такія грошы можна набыць сапраўды добрую рэч). Шорты, брыджы, што пабывалі ў карыстанні, на Ждановічах каштуюць адпаведна каля 65 і 95 тысяч, а ў краме грашовы адлік пачынаецца з 20 (за паўсотні рэальна набыць незаношаную рэч). На кранштэйнах "сэкандаў" я бачыла сукенкі за 15-165 тысяч, штаны і джынсы за 50-160. Для параўнання, ждановіцкія штаны прадаюцца ад 120.
 
Ёсць разбежкі і ў цэнах на дзіцячае адзенне, прычым зноў жа не на карысць сартаванаму "сэканду" Ждановіч, дзе мне прапаноўвалі майкі на дашкольнікаў за 40-75, джынсы, брыджы за 100-180, шорты, спадніцы за 45-65 тысяч (у краме першае можна набыць за 15-40 тысяч, другое каштуе ад 40, трэцяе — ад 20).
 
Ёсць яшчэ крамы, у якіх "сэканд" прадаецца на вагу. Калі на выхадных я завітала ў адну з такіх, кошт за кілаграм быў 179.900, прычым магазін толькі папоўніўся новым таварам. Чым далей ад завозу, тым менш каштуе кіло. Напэўна, набываць рэчы для дарослых на вагу не так ужо выгадна. Выйграць можна хіба на майках, топах і спадніцах, якіх на кілаграм прыпадае некалькі.
Пасля доўгага бадзяння па "сэкандах" мне ўсё ж удалося сёе-тое для сябе прыгледзець.
 
Мае трафеі: спадніца фірмы Dоrоthу Реrkіns (абышлася ў 50 тысяч), як варыянт спадніца Аtmоsрhеrе (68 тысяч). Каб дабраць да камплекта і ўкласціся ў 200 тысяч, спыняюся на майцы Nехt (52) ці сарочцы за 76 тысяч. Мне падалося, што было б нядрэнна, каб пры такіх крамах працавалі спецыялісты, якія дапамагалі б пакупнікам знаходзіць "сваю" вопратку. Зарыентавацца ў моры карыстаных рэчаў не так проста. Асабіста мне сапраўды не хапала спрыту, часам я ацэньвала рэч, толькі калі бачыла яе ў руках маіх суседак у чарзе да касы.
 
Калі знайсці рэчы "пад сябе" ўдалося не так хутка, то дзіцячыя "трафеі" аказаліся больш удалымі. Прычым сукенкі, спадніцы, байкі і джынсоўкі на малых тут можна знайсці сапраўды больш цікавыя, чым у крамах і на кірмашах з новымі рэчамі.
Нужные услуги в нужный момент
-20%
-20%
-10%
-20%
-17%
-80%
-50%
-10%
-10%
-20%
0058043