1. «Ці баяўся? Канешне, баяўся». Дзесяць цытат Васіля Быкава пра Вялікую Айчынную вайну
  2. «Заходишь в город, а там стоит плач и кругом сотни гробов». История 95-летнего ветерана ВОВ
  3. Декрет «о коллективном президенте». Объясняем, о чем он — коротко
  4. Какую из вакцин от ковида, которыми прививают в Беларуси, одобрил ВОЗ? Главное о здоровье за неделю
  5. Автозадачка на выходные. Загадка про легендарный автомобиль эпохи 70-х
  6. Лукашенко: «Давайте прекратим это не нужное никому противостояние»
  7. Колючая проволока и бронетранспортер. Каким получился «Забег отважных» в парке Победы
  8. Освободилась белорусская «рекордсменка» по «суткам» за протесты. Она отбыла в изоляторе 105 суток
  9. В Индии люди, переболевшие COVID-19, начали заражаться редким «черным грибком»
  10. Год назад стартовала, возможно, главная избирательная кампания независимой Беларуси. Как это было
  11. В Лиде заметили странную очередь, в которой раздавали деньги. В исполкоме говорят о возможной провокации
  12. Пяць палацаў, якія можна купіць у Беларусі (ёсць і за нуль рублёў)
  13. Сколько стоит новый кроссовер в Беларуси и у ближайших соседей. Сравнили цены — и вот результат
  14. «Шахтер» обыграл БАТЭ благодаря шикарному голу Дарбо. Чемпионская интрига убита?
  15. Арина Соболенко поднялась на рекордное четвертое место в рейтинге WTA
  16. Что происходило в Минске в День Победы: Лукашенко с сыновьями, очередь за кашей и досмотры
  17. «Общество заточено на «откаты». Откровенный разговор с архитектором о строительстве частных домов
  18. «Мама горевала, что не дождалась Ивана». Спустя 80 лет семья узнала о судьбе брата, пропавшего в 1941-м
  19. 76 лет назад закончилась Великая Отечественная война. В Беларуси празднуют День Победы
  20. «Баявая сяброўка». Як украінка набыла танк, вызваляла на ім Беларусь ад фашыстаў і помсціла за мужа
  21. Сколько людей пришло в ТЦ «Экспобел», где бесплатно вакцинируют от коронавируса
  22. Бабарико, Тихановская и Цепкало о том, как для них началась избирательная кампания в прошлом году
  23. «Хочу проехать по тем местам». Актер Алексей Кравченко — об «Иди и смотри» и съемках в Беларуси
  24. «Пленные взбунтовались — врача похоронили с оркестром». История и артефакты из лагеря в Масюковщине
  25. «Всех разобрали, а я стою. Ну, думаю, теперь точно расстреляют». История остарбайтера Анны, которая потеряла в войну всех
  26. Лукашенко подписал декрет о переходе власти в случае его гибели
  27. День Победы в Минске завершили концертом и фейерверком. Посмотрели, как это было
  28. Эндокринолог — о том, почему сахарным диабетом болеет все больше людей
  29. В Минске все-таки запустили в небо тысячи красных и зеленых шариков, против которых подписывали петицию
  30. «Поняли, у собаки непростая судьба». Минчане искали брошенному псу дом и узнали, что он знаменит
реклама


Сяргей Палінін,

Фото с сайта svabodaby.net
Фото с сайта svabodaby.net
Калі год назад пачалі павялічвацца кошты на прадукты харчавання, то амаль усе мае знаёмыя жартавалі, што іх заробак амаль увесь ідзе на "наведванне прыбіральні". У маёй сям'і трое дзяцей: дочкі — 15 і 9 гадоў, сын, якому неўзабаве споўніцца 5 год, сам я і жонка. Каб у крызіс не пакласці зубы на паліцу, мы былі вымушаны падкарэктаваць сямейнае меню і больш уважліва прыгледзецца да розных зніжак па акцыях у крамах. Аднак заўважу, што эканоміць тут трэба з розумам, каб дзеці былі здаровыя і сытыя.
 
На снеданне толькі каша і чай

З раніцы мае дзеткі есці практычна не жадаюць. Звычайна на працягу тыдня мы гатуем 4 разы грэчку (800 г — 6500 рублёў), 2 разы — рыс (350 г — 3000 рублёў) і адзін раз аўсяныя шматкі (100 г — 600 рублёў). Рыс і аўсянку трэба гатаваць з малаком. Па бюджэтным кошце лепш браць малако "Бабушкіна крынка" сярэдняй тлустасці 3%. Толькі для кашы неабходна набываць два пакеты малака па 0,9 л (4250 х 2 = 8500 рублёў) і 200 г сметанковага масла (7450 рублёў).
 
Самым дарагім прадуктам для гатавання сняданкаў мая жонка сёння лічыць менавіта малако. Калі кошты на крупы (галоўным чынам імпартныя) айчынны гандаль нават зніжае, то з "родным" малаком усё наадварот. Цэны на яго павялічваюцца штомесяц, у гандлёвых акцыях яно не прысутнічае і ў запас "па старых коштах" не купіш.
 
Атрымліваем, што на кашы з малаком і маслам шматдзетнай сям'і неабходна аддаваць каля 30 тысяч у тыдзень, а ў месяц — 120 тысяч рублёў.
 
На абед толькі суп

Гатаваць "рэстаранны" абед у шматдзетнай сям'і у бацькоў звычайна не атрымліваецца. Абед, як правіла, складаецца з адной талеркі супу, якая з'яўляецца адначасова першай і другой стравай. Суп павінен быць такім, каб лыжка ў ім стаяла, бо там і мяса (або пельмені), і бульба, і капуста (бурак), і морква і іншае. Трохлітровай каструлі сям'і хапае на 2-3 дні. Дзве-тры каструлькі такога "грунтоўнага" супу закрываюць тыднёвы рацыён абедаў. Гатуюцца нашы супы звычайна з кураціны, кошты на якую яшчэ не кусаюцца.
 
Па нашых падліках, за тыдзень на абеды трэба аддаць каля 120 тысяч, а ў месяц — прыкладна 500 тысяч рублёў.
 
На вячэру рыба ці мяса абавязкова

Увечары тата і мама амаль заўсёды дома, таму ёсць магчымасць прыгатаваць нешта больш складанае. Больш за тое, калі дзеці рознага ўзросту, то лёгкай вячэры ніяк не атрымаецца: хто яго ведае, як сур'ёзна яны харчаваліся на працягу дня? Тут трэба ўлічваць і апетыты дарослых.
 
Мае дзеці, у тым ліку і самы малы, ядуць мяса толькі ў выглядзе катлет ці адбіўных. Адбіўныя лепш за ўсё рабіць з курынай грудкі, бо ў цесце з прыправамі курынае філе смачнае, да таго ж яно лёгка жуецца. Мой малы і да гэтага часу ўяўляе, што гэта не адбіўная, а звычайны такі сытны блінчык. У фаршы для катлет свініны і ялавічыны не больш за 30—40%, яшчэ недзе 30% ад агульнага аб'ёму прыпадае на тое ж таннае курынае мяса. У катлеты трапляе надзёртая бульба, цыбуля, морква, хлеб, а часам нават крыху кашы і сыр. Два дні ў сям'і на вячэру — адбіўныя, два дні — катлеты і прыкладна 2-3 разы ў тыдзень у рацыёне рыба.
 
— Мне здаецца тата, што ты не зусім правільную прафесію выбраў, — адзначае старэйшая дачка, калі частуецца маімі пельменямі і адбіўнымі са складаным гарнірам. — А вось такіх смачных кулебяк я ўвогуле нідзе не ела.
 
Мабыць таму ў нашай сям'і практычна ніколі няма вэнджаных дарагіх каўбас. Мяса, прыгатаванае татам, дзецям больш даспадобы. А яшчэ наша мама добра растлумачыла малым, што ў сучаснай магазіннай каўбасе вельмі шмат хіміі.
 
Катлеты і паўфабрыкаты для адбіўных, рыбных фрыкадэлек і іншых мясных страў робяцца ў вялікай колькасці ў выхадныя. Потым такія нарыхтоўкі раскладваюцца ў пакецікі і замарожваюцца. Час ад часу мы з жонкай лепім "тазік" пельменяў, галубцоў, невялікіх кулебяк ці расцягаяў. Калі гатаваць гэтыя стравы самастойна, то яны будуць недзе на 30—40% таннейшымі, чым у кулінарыі, а пра смак тут і казаць няма чаго. Напрыклад, мая старэйшая дачка ўпэўнена, што ў магазінныя пельмені мяса ўвогуле пакласці забыліся. Недзе два-тры разы на месяц жонка гатуе на вячэру сырнікі ці салодкія складаныя блінчыкі. Абавязкова з мясной ці рыбнай стравай прапаноўваецца салата з агародніны. На гарнір — бульба ці макароны.
 
Па нашых прыкладных падліках, вячэра для сям'і з 5 чалавек абыходзіцца каля 30 тысяч рублёў, а ў месяц — 900 тысяч рублёў.
 
На працягу дня садавіна, сокі і прысмакі

Зразумела, што ў вялікай сям'і немагчыма арганізаваць выключна трохразовае харчаванне. Вышэй мы агучылі толькі абавязковае меню. За дзень трое дзяцей "знішчаюць" кіло бананаў, а ў сезон — яшчэ і столькі ж яблыкаў. Час ад часу купляюцца клубніцы, нектарыны і іншыя "вітаміны". З рознай неабходнай садавінай і ягадамі нам дапамагаюць бацькі, якія вырошчваюць усё гэта на дачы. Зімой мы варым кампоты з сухафруктаў, а летам ужываем квас ці бярозавік, якія прапаноўваюцца па акцыях не вельмі дорага. Зараз у сетцы крам "Рублёўскі" акцыя на паўтарачку кваса, яна каштуе ўсяго 4900 рублёў, а ў магазіне "Віталюр" 2 літры бярозавіку — 6300 рублёў. У іншых магазінах такі квас каштуе 8500 рублёў, а бярозавік — ажно 12 000. Нават пры жорсткіх абмежаваннях (як вядома, салодкае — не вельмі карысная рэч) трое дзяцей з'ядаюць каля 2 кілаграмаў шакаладных цукерак у месяц. Не вельмі дарагімі і якаснымі з'яўляюцца цукеркі "Белісіма" (Украіна), якія па акцыях у асобных крамах каштуюць каля 38 тысяч за кілаграм.
 
Нават пры самых сціплых падліках, на такое дадатковае харчаванне неабходна аддаць каля 600 тысяч рублёў у месяц.
 
Шукаць зніжкі і акцыі ў розных крамах

Калі падсумаваць усе пазначаныя пазіцыі па харчаванні, то атрымліваецца, што шматдзетная сям'я за месяц з'ядае прадуктаў прыкладна на 2 мільёны 120 тысяч рублёў. Спачатку я вельмі здзівіўся гэтай вялікай суме, аднак... Мае даўнія знаёмыя з дваімі дзецьмі падлічылі, што іх чатыры роты "з'ядаюць" нават больш за 3 мільёны, а мы харчуемся амаль аднолькава. Тут існуе толькі адно "але": знаёмыя купляюць усю ежу ў адной краме, а мы — толькі там, дзе прапаноўваюцца максімальныя зніжкі на стандартныя пазіцыі.
 
Напрыклад, садавіну, цукеркі, сокі, сухафрукты, мяса, асобныя крупы і макароны шматдзетнай сям'і лепш купляць у гіпердыскаўнтары "Еўраапт". Там штотыдзень мы набіраем прадуктаў на 200—300 тысяч. Менавіта для шматдзетных магазін праз сацыяльныя службы выдае дысконтную карту на набыццё тавару са зніжкай 5%. Дысконт не распаўсюджваецца толькі на тавар па акцыях. Па іх для ўсіх катэгорый насельніцтва кошт можа зніжацца на 15—20% ці нават больш.
 
Напрыклад, цвёрдыя сыры тут можна адшукаць па 39—44 тысячы рублёў за кг — у астатніх крамах сыр каштуе 53—57 тысяч рублёў. На акцыях вы купіце грэчку (800 г) за 6800 рублёў, смачныя ледзяшы фірмы "Рашэн" (Украіна) — за 22—34 тысячы рублёў; кіло бананаў — за 7900 рублёў (11 тысяч па горадзе).
 
Марскую рыбу лепш купляць у краме "Віталюр": там мінтай без галавы — 17 900 (звычайны кошт — 23 900), скумбрыя — 26 000 (у іншых крамах — ад 30 000), аргенціна — 16 900 (23 950), мойва — 9900 рублёў (13 800).
 
Агародніну ў сезон лепш набываць на рынку ў Ждановічах. Маладую бульбу там можна адшукаць па 2 тысячы за кіло, памідоры — за 8—10 тысяч, а агуркі ўсяго за 3—3,5 тысячы рублёў.
 
Шмат розных зніжак прапаноўвае і магазін "Рублёўскі", аднак ва ўсіх крамах гэтай гандлёвай сеткі побач з таннымі таварамі заўсёды хапае і даволі дарагіх пазіцый. Таму, калі ў сям'і ёсць час і здольнасць планаваць пакупкі, то трэба мець у наяўнасці 3-4 розныя аб'екты гандлю. Наш вопыт паказаў, што на планаванні, зніжках і акцыях можна эканоміць на ежы ў месяц каля 400—600 тысяч рублёў.
 
Да ведама

У нашай сям'і двое дарослых працуюць. Жонка ў якасці маркетолага атрымлівае прыкладна 2,5 мільёны рублёў. Мая работа звязана з аналітыкай у эканоміцы, што дае ў агульны бюджэт яшчэ каля 4 мільёнаў рублёў. Тыя 500 тысяч, што нам удаецца эканоміць на ежы, мы з задавальненнем трацім на абноўкі для дзяўчат ці адкладваем на адпачынак.
-20%
-30%
-23%
-57%
-20%
-41%
-15%
-20%
-25%
-10%
0073029