Личный счет


Тамара Савіч,

Фото с сайта stand.by
Фото с сайта stand.by
Пральная машына, мікрахвалёўка, мэбля, бідэ і нават… ікебана паднімаюць кошты і без таго дарагіх кватэр.

Першая ж прыватная аб'ява – "здам кватэру на доўгі час пасля рамонту”. Кошт кватэры – 400 умоўных. У Завадскім раёне! Званю. Але няўдача – кватэру ўжо здалі! Жанчына, што адказвае на тэлефон, заўважае, што можна і за 2000 умоўных зняць кватэру. У той бок, тое, што прапануюць яны – яшчэ танна! Вядома, танна – у іх толькі “ламінат, шклопакеты і пральная машына”. Адчуваю, што за мікрахвалёўку гаспадары накінулі б яшчэ паўсотні ў месяц.
 
Бяру па цэнах вышэй! Наступная кватэра – хлопец, што здае аднапакаёўку за 500 долараў, не арыентуецца, якая станцыя мятро побач з яго кватэрай, хаця ў аб’яўцы напісана, што мятро ў некалькіх кроках ад жытла. Гляжу па карце – кватэра ў канцы вуліцы Прытыцкага. Яшчэ колькі кіламетраў – і Мінская кальцавая. Пры гэтым хлопец хоча, каб яму заплацілі папярэднюю плату – у 1,5 тысячы долараў. Пытаюся, ці не задорага? Хлопец абсалютна спакойны, кажа, што цана “нармальная”, і дадае, што ў яго “залаты ўнітаз”. Прапаную здаваць кватэру даражэй, а то мала ці што здарыцца з яго ўнітазам!
 
Трохпакаёўку ў цэнтры горада на вуліцы Захарава гаспадыня Тамара здае за 1300 долараў. Падлічваю, што за год за кватэру прыйдзецца аддаць 132 мільены рублёў!  Хаця калі падлічыць кошт гэтай кватэры за суткі, а гэта 40 долараў, дык за жыллё ў цэнтры яшчэ неблагая цана.
 
“Цагляны дом, пяты паверх пяціпавярховага дома ў цэнты горада, чыстая, мэбля ёсць, ванная звычайная, бідэ, вышыня столі – 2,75”, - распавядае гаспадыня і заўважае, што “камуналка” не яе праблема:
 
“Камунальныя будуць сплачваць тыя, што пражывае!”.

Мімаходам заўважаю, што буду здымаць не адна – з мужам і дзіцёнкам. Гаспадыня хвалюецца:
 
“А колькі дзіцёнку? Пяць - нармальна, а то калі б годзік-два, каб не размалявалі б нам усе”.
 
Яшчэ колькі званкоў па кватэрах, якія каштуюць да паўтары тысячы долараў – і канчаткова пераконваюся – гаспадары хочуць бачыць адзінокіх, маладых і лепш іншаземцаў.
 
Двухпакаёўку з еўрадызайнерскім рамонтам – блакітная кухня, зялёная ванная і аранжавыя пакоі – гаспадыня Валянціна здае за 650 долараў плюс камунальныя. Па словах гаспадыні – у кватэры ёсць усё для пражывання: 
 
Пральная машына, ламінат, дыван, грыль, тэлевізар, ікебана (!), выхад на балкон”, – рэкламуе гаспадыня.
Перапытваю пра цану – 650 долараў плюс камунальныя?
 
“Усе людзі так здаюць! Як жа вы будзеце жыць і не плаціць за камунальныя? гаворыць Валянціна. У нас жа адна эліта жыве!”

Цягам гаворкі высвятляецца, што ў кватэры жыў футбаліст БАТЭ.
 
“23 нумар, не памятаю яго прозвішча – нейкае казачнае”. Пад гэтым нумарам у БАТЭ гуляе “казачны” Эдгар Аляхновіч.
 
Але калі гаспадыня чуе пра тое, што знімаць яе кватэру мы будзем з мужам і маленькім дзіцем, яна тут жа дае задні ход.
 
“Я не бяру з дзецьмі! – і нават папракае. – Гэта ж лішняя сцірка, сырасць, бытавая тэхніка будзе выкарыстоўвацца часцей! Усе будзеце ламаць!"

Намякаю, што я, маўляў, буду плаціць немаленькую суму і перапытваю: "Дык вы хочаце ўстанавіць парог карыстання тэхнікай?"

Валянціна аднекваецца, але адчуваю, ужо яна канчаткова настроена супраць мяне – навошта я з дзіцёнкам?! Але і мне яе кватэра ўжо не патрэбна – буду баяцца ў такой кватэры дыхнуць.
 
Нужные услуги в нужный момент
-50%
-20%
-40%
-10%
-20%
-25%
-30%
-20%