Личный счет


Арцем Мартыновіч,

Фото с сайта news.open.by
Фото с сайта news.open.by
Варшаўскі дыплом маркетолага на 200 еўра таннейшы за беларускі, а IT-ішнік у Кіеве плаціць за год вучобы на 250 еўра больш за свайго калегу з Мінска.
 
ВНУ зрабілі сюрпрыз для сёлетніх абітурыентаў. Падчас паступлення кошты на адукацыю ўзляцелі. Ды як! У БДУ рост - на 61%. Першакурснік з “Міжнародных адносінаў” цяпер выкладзе 15 мільёнаў за год. Някісла!
 
Антон падае дакументы на платнае, на геаграфічны факультэт БДУ. Яго бацька Генадзь Уладзіміравіч крэдыт на навучанне сына браць не будзе. Спадзяецца выцягнуць так.
 
Генадзь Уладзіміравіч: "Чакалі, што кошты ўздымуцца, але не так. Крэдыт браць не будзем, сваімі сіламі выцягнем. Жонка на чыгунцы працуе, я - навуковы супрацоўнік".

Алена ідзе ў Інстытут кіравання сацыяльнымі тэхналогіямі. Будзе 4 гады вучыцца маркетынгу. Навучанне там падаражала на 3 мільёны. Маці кажа, што можа вучыць дачку толькі ў крэдыт.
 
“Чакала, што падаражэе на 16%. Раней на нашым факультэце плата была 7 мільёнаў. Цяпер 12. Я працую ў бюджэтнай сферы, у паліклініцы. І нам так не павышаюць заробак, як павышаюць плату за вучобу. Будзем браць крэдыт на вучобу, ільготны”, - расказвае Анжэліка.

Крэдыт могуць даць, бо даход у іх сям’і не вышэйшы за 2 мільёны на чалавека.
 
На дзіва, у Вышэйшай школе Інфраструктуры і менеджменту ў Варшаве такая ж спецыяльнасць каштуе... менш.
 
“Такія спецыяльнасці, як ландшафтны менеджмент ці ахова навакольнага асяроддзя - 1800 злотых за семестр з магчымасцю раскласці аплату на 4 часткі па 450 злотых. У нас ёсць таксама бакалаўрыят па менеджменце кіравання, каштуе 2000”, - расказваюць "Еўрарадыё" ў польскай ВНУ. І кошты тут цягам навучання не мяняюцца.
 
Як падлічвае "Еўрарадыё", у Варшаве Анжэліка заплаціла б за дачку на 200 еўра менш, чым у БДУ на той жа спецыяльнасці.
 
Нурана ідзе ў БДУ на Гуманітарны факультэт, будзе вучыць замежныя мовы. Крэдыт не бярэ, бацька знойдзе 1300 еўра ў год!
 
“Набрала 213 балаў. Спрабавала на бюджэт у БДЭУ, не атрымалася. У мяне толькі бацька ў сям’і працуе”, - кажа Нурана.

У ЕГУ на турызме, дзе таксама вучаць замежным мовам, кошты ніжэйшыя - 1,2 тысячы еўра за год.
 
“Кошты для медыйных праграм – 2 тысячы еўра, на права – 1,5 тысячы еўра і на турызм - 1,2 тысячы еўра за год. Але гэтыя кошты максімальныя, іх плацяць толькі 20% студэнтаў. Астатнія плацяць прамежкавыя кошты, у залежнасці ад рэйтынга”, - расказваюць у фінансавым дэпартаменце ЕГУ.

У Кіеўскім нацыянальным універсітэце Тараса Шаўчэнкі кошты вышэй за нашы. Прыкладная матэматыка каштуе 1,5 тысячы еўра. У БДУ тая ж спецыяльнасць на 250 еўра таннейшая.
 
І, вядома, маючы грошы на вучобу ў Беларусі, не паедзеш у Гарвард. Год вучобы на дзённым там каштуе 32 тысячы долараў. І гэта без расходаў на ежу, жыллё, і страхоўку. Але праз некалькі гадоў, можа, і дагонім Гарвард… па коштах.
Нужные услуги в нужный момент
-10%
-10%
-50%
-10%
-10%
-70%
-50%