Личный счет


Арцем Мартыновіч,

Фото с сайта tm7.by
Фото с сайта tm7.by
А першакурснікі з гэтага факультэта спадзяюцца на высокія пасады з заробкам у 2 тысячы долараў.

"Міжнародныя адносіны, сусветная эканоміка - верагодна, буду працаваць на сур'ёзнай пасадзе, разбірацца ў працэсах, якія адбываюцца ў сусветнай эканоміцы, аналізаваць. Пра заробак асабліва не думаю. Але спадзяюся, што заробак будзе прапарцыйны прахадному балу. Можа тысячы дзве-тры долараў, ужо пасля кар'ернага росту", - расказвае Кацярына Несан.

Кацярына паступіла на бюджэт, з трох тэстаў і атэстата набірае 397 балаў, і гэта рэкорд па БДУ.
 
Выпускніца факультэта міжнародных адносін Васіліна скончыла БДУ па спецыяльнасці "культуралогія". Працуе ў прыватнай фірме менеджарам па персанале за 2,5 мільёна ў месяц і… шукае іншую працу.
 
Васіліна: "У нас было мала заявак на размеркаванне, таму заяўкі мы прыносілі самі. Я размяркоўвалася менеджарам па персанале ў прыватную фірму".

Цяпер Васіліна хоча падацца ў рэкламу, бо цікавей.
 
Таксама выпускніца факультэта міжнародных адносін Аляксандра першы дзень прыходзіць на працу ў Мінскі гарадскі інстытут развіцця адукацыі. Працуе... лабарантам.
 
"Я патрапіла сюды на пераддыпломную практыку, мне спадабалася. Ведала, што буду шукаць нешта іншае, але тут мяне, калі што, прымуць", - расказвае Аляксандра.

У месяц ёй абяцалі каля 2 мільёнаў. Малавата для выпускніцы аднаго з самых прэстыжных факультэтаў.
 
Выпускніца ФМА БДУ Жэня з дыпломам культуролага, даследчыка і выкладчыка працуе ў консульстве Кіпра. Пашанцавала! Праўда, не паводле размеркавання - працу знайшла сама.
 
"Шмат выпускнікоў сядзяць без працы ці ідуць працаваць адміністратарамі, калі быў досвед працы, хостэсамі ў рэстараны, у гасцінічны бізнэс", - тлумачыць Жэня.

На дыппасадзе зарабляе каля 300 долараў. Не вельмі і шмат…
 
Лінгвіст і перакладчык Крысціна пасля факультэта міжнародных адносінаў размеркаванне знаходзіць сама. Як і астатнія 18 выпускнікоў, расказвае дзяўчына.
 
"Прыйшлі толькі 3 заяўкі. З Мінску не было ніводнай. Таму шукалі самі. Я ўладкавалася ў "Белаграпрамбанк". У прынцыпе, па спецыяльнасці. Астатнія знаходзілі працу ў прыватных фірмах. А так… складна было знайсці", - кажа Крысціна.

Дзіўна, што выпускнікоў з факультэта, дзе прахадны бал не менш за 330 па ўсіх спецыяльнасцях, марудна бяруць на працу. Вось і ў Міністэрстве эканомікі не прыгадваюць, каб да іх ішлі выпускнікі з "сусветнай эканомікі" міжнародных адносінаў. А прахадны бал там сёлета - 366.
Нужные услуги в нужный момент