Личный счет


Фото с сайта belsat.eu
Фото с сайта belsat.eu
Жыхары беларускай вёскі Новая Гута, непадалёк аўтамабільнага памежнага пераходу на ўкраінскі бок, прыдумалі, як зарабіць на вялікіх чэргах. Падлеткі з ночы займаюць чаргу, а ранкам прадаюць месца ў ёй "багатым" аўтамабілістам з расейскімі нумарамі. Прыкладны кошт паслугі – 2 тысячы расейскіх рублеў.

Каму тут чарга, каму – "dolce vita"


У Гомельскай вобласці аўтамабільны памежны пераход "Новая Гута" мае высокую нагрузку – гэта, бадай, адзінае месца, праз якое і расейцам, і беларусам зручней трапіць ва Украіну. Чэргі як з таго, так і з гэтага боку – з’ява звычайная, асабліва ў выходныя дні, калі гомельцы едуць на шопінг у Чарнігаў, і ў сезон адпачынкаў.

Жыхары памежных вёсак ладзяць на чэргах своеасаблівы бізнес. Жанчыны на роварах трымаюць амаль што кавярні на колах. У транзітнай зоне, дзе няма як набыць ні вады, ні ежы, беларускі ды ўкраінкі гандлююць каваю, гарбатаю, супамі, бульбаю, піражкамі ды іншым. Для кіроўцаў грузавых аўтаў, якім здараецца па некалькі дзён стаяць у памежных чэргах, гарачая ежа і напоі робяцца паратункам.

А беларускія падлеткі ўводзяць новы від паслугаў. Ахвотным скараціць час чакання ў чарзе жыхары памежнай зоны прадаюць занятае загадзя месца за прыкладна 2 тысячы расейскіх рублеў (каля 520 тысяч беларускіх рублеў). Першай пра гэта паведаміла  ведамасная газета "Гомельская праўда".

Калі ўсім зручна, чаму незаконна?


Працаўнікі міліцыі рэгулярна праводзяць тлумачальныя гутаркі з мясцовымі жыхарамі, папярэджваюць пра незаконнасць такога бізнесу і пужаюць бацькоў адказнасцю за тое, што дзеці па начох бадзяюцца па шашы.

У той жа час у Менску паслугі такога кшталту ўжо лічацца цалкам легальнымі. У сталіцы ліцэнзіі на дзейнасць маюць некалькі фірмаў, якія прапаноўваюць паслугі трамідатараў. Трамідатар – гэта чалавек, які стаіць замест вас у чарзе. У сярэднім гадзіна стаяння каля дзвярэй консульства або сталічнага ДАІ каштуе 23 тысячы беларускіх рублеў.

Бізнес знік разам з чэргамі


Ці збаяліся юныя бізнесоўцы Новай Гуты міліцыянтаў, служба інфармацыі "Белсату" запытала ў Гомельскай памежнай групы. Памежнікі даклалі пра бягучую сітуацыю: паводле аператыўных звестак, чэргаў на памежным пераходзе няма, таму і падлеткаў, што займаюць месца для продажу, не бачна.
Нужные услуги в нужный момент
-20%
-13%
-20%
-42%
-10%
-12%
-40%
0058415