Личный счет


Тамара Савіч,

Прэм'ер-міністр Польшчы Дональд Туск прапанаваў фінансавую падтрымку бясплодным парам: дзяржава аплаціць тры спробы экстракарпаральнага апладнення.

Гэта новая праграма павінна дапамагчы 15 тысячам пар — ад ліпеня 2013 года ёй маглі б скарыстацца пяць тысяч параў, у наступныя два гады — яшчэ па пяць тысяч параў”.

Фінансаванне пачнецца ўжо ў ліпені наступнага года.

Прэзідэнт Беларусі апярэдзіў прэм'ер-міністра Польшчы ажно на год! Паводле слоў кіраўніка дзяржавы, ён пастараецца дапамагчы сем’ям, што трапілі ў гэту складаную сітуацыю, бо дзеля дзяцей трэба ісці на любыя выдаткі! У 2011 годзе Лукашэнка кажа пра фінансавую падтрымку бяздзетным сем’ям.

Толькі адпаведнага ўказу ў нашай краіне пакуль няма.

У Міністэрстве аховы здароўя Беларусі кажуць, што такі дакумент толькі разглядаецца:

Калі прымуць — не ведаем. Калі разгледзім яго канчаткова! Мяркуем, што да канца гэтага года ўказ будзе, тут задзейнічаны многія міністэрствы”.

Як даведалася Еўрарадыё, бяздзетным парам будуць выдаваць ільготныя крэдыты на ЭКА. Магчыма, дзяржава дапаможа аддаваць гэтыя пазыкі. Пад які працэнт — пакуль ніхто адказаць не можа.

Кошт ЭКА ў Беларусі прыкладна ад 23-26 мільёнаў разам з прэпаратамі. У цэнтрах рэпрадуктыўнай медыцыны кажуць, што большасць пар, якія прыходзяць на лячэнне, бяруць крэдыты.

Спецыяльнага крэдыту няма, але ў “Беларусбанка” можна пазычыць грошы на медыцынскія мэты: “Крэдыт даецца на два гады пад 15% гадавых. Для гэтага трэба сабраць пакет дакументаў”.

Пашпарт, паручальнікі, даведка, што вы стаіце на дыспансерным уліку, згода медцэнтра — і крэдыт у вас у кішэні. Калі ўзяць 30 мільёнаў рублёў на ЭКА, праз два гады трэба будзе вяртаць каля 34 мільёнаў.

Галоўны ўрач медцэнтра “Эмбрыа” Алег Тышкевіч заўважае Еўрарадыё, што пра прэзідэнцкі ўказ казаць рана.

“Зараз самы стары карчваген каштуе 3000 долараў, і столькі ж ЭКА. На машыну грошы ёсць, а на дзіця няма? Да таго ж, кошт медпаслуг не такі ўжо і дарагі, у параўнанні з Еўропай. А якасць такая ж”.

Паводле слоў доктара, колькасць бяздзетных пар у Беларусі больш не робіцца — іх прыкладна 15% ад ўсяго насельніцтва, гэта тэндэнцыя захоўваецца цягам некалькіх гадоў.

Нужные услуги в нужный момент
-20%
-15%
-13%
-50%
-10%
-20%
-20%
-10%
-18%
-23%
0058415