Беларускія грошы друкуюць там, дзе і гватэмальскія

Фото с сайта gazeta.ru

Аркадзій Ткачук, кіраўнік расейскага "Гознаку", паведаміў "Российской газете", што ягонае прадпрыемства друкуе грошы ня толькі для Расеі, але і для такіх краінаў, як Лібан, Лаос, Малайзія, Гватэмала, Беларусь і іншыя.

Ткачук дадаў, што Расея таксама друкавала грошы для Сырыі, якая раней замаўляла выраб сваёй валюты ў Аўстрыі, але з прычыны заяўленай Эўразьвязам блякады аўстрыйская кампанія адмовілася ад чарговых замоваў.

Паводле Ткачука, з эканамічнага гледзішча наладжваць уласны выраб банкнотаў мае сэнс толькі для краінаў, у якіх пражывае прынамсі 40 мільёнаў чалавек.