Личный счет


Ірына Сініца,

Паўсюднае ажыццяўленне кампаніі па асобным зборы смецця, што прапагандуецца ў Беларусі, вельмі тармозіць дысбаланс, які існуе паміж цаной і аб'ёмамі адходаў.
 
Кілаграм ПЭТ-бутэлек, напрыклад, каштуе 1500 рублёў, а гэта поўны мех з-пад бульбы. 200 рублёў - цана за кіло (11 стограмовак) шкляначак з-пад дзіцячага харчавання.
 
Акрамя таго, 100-, і 200-грамовыя шклянкі беларускай вытворчасці разам з бутэлькамі замежнага вырабу з'яўляюцца нестандартнай тарай, здаць якую можна ў нарыхтоўчых пунктах двух прадпрыемстваў, дзе прымаюць другасную сыравіну ад насельніцтва: КУП "Экорес" (113 участкаў па Мінску) і ЧУП "Минсккоопвторресурсы" (43 пункты).
 
- "Дзіцячая тара" прыраўноўваецца па цане да шклабою, але спецыяльна біць яе не трэба: дастаткова памыць і зняць накрыўкі, нават этыкеткі змываць неабавязкова, - паведамілі карэспандэнту "ТіЦ" у "Белкоопвторресурсах". - Нашы нарыхтоўшчыкі прымаюць шклянкі ад насельніцтва па цане 150 рублёў за кіло, а ў прадпрымальнікаў - па 100 рублёў без ПДВ.
 
11 шклянак - гэта няпоўны кілаграм.
 
- Калі на ўчастку няма спецыяльнага кантэйнера для шкла, то можна прывезці тару ў мяшках і пакінуць іх, - расказалі ў галоўным офісе "Экорес". - Графікі работы ў нашых нарыхтоўшчыкаў розныя, некаторыя і на два пункты адразу працуюць, так што заўсёды трэба званіць - падкажам нумары самага блізкага да вас пункта.
 
Я вырашыла на практыцы ацаніць праблему суадносін кошту і аб'ёму смецця. Назбіраўшы дома два "бульбяныя" мяшкі шклянак з-пад дзіцячага харчавання, я адвезла іх у найбліжэйшы нарыхтоўчы пункт. Дарэчы, працуе ён тры дні на тыдзень (аўторак, серада, пятніца) і толькі на працягу гадзіны (с 14.00 да 15.00). Трапіць сюды ў такі час чалавеку, які працуе, не надта проста.
 
Вось такі мех трэба здаць, каб атрымаць грошы на адзін талончык.
 
Маё "шкляное" смецце заважыла 27 кілаграмаў, за якія я атрымала 5400 рублёў. Гэта кошт трох талончыкаў на праезд плюс 300 рублёў, але ж даставіць такі груз сваімі сіламі ў грамадскім транспарце проста немагчыма - патрэбна свая машына, амартызацыя і расход паліва ў якой ні ў якім разе не акупяцца такімі грашыма.
 
Расцэнкі на прыём другаснай сыравіны ад насельніцтва.
 
- Калі захочаце прывезці яшчэ што, памятайце, што анучы мы прымаем толькі натуральныя: з бавоўны або шэрсці, - прасвятліла мяне нарыхтоўшчыца пункта Лілія Яўгенаўна. - А ПЭТ-бутэлькі лепш сплюшчваць - іх тады ўлазіць два кілаграмы ў поўны мех з-пад бульбы, а ў звычайным выглядзе - толькі адзін, праверана не адзін раз. Шклабой сартыруйце па колерах.
 
Як бачна, для развіцця культуры збору смецця ў нашай краіне недастаткова аднаго толькі жадання граматна пазбавіцца ад непатрэбных рэчаў: неабходна яшчэ затраціць на гэта час, увагу, цярпенне і... ўласныя сродкі на дастаўку смецця па назначэнні.
 
Нужные услуги в нужный момент
-20%
-20%
-30%
-65%
-18%
-20%
-50%