Банки
Курсы валют
Карточки  
Кредиты
Продай свой кредит
Вклады
Экономические показатели
Сервисы
Платежи в интернете
Переводы с карты на карту
Налоговый калькулятор
Калькуляторы
Каталог компаний
Домашняя бухгалтерия
Праздничный
Паритетбанк
15%
Е-плюс
Евроторгинвестбанк
15%
Жгучий кредит
Идея Банк
15%

Все кредиты

Публичный счет


Надзея Нікалаева,

Кошт навучання ў вышэйшых і сярэдніх спецыяльных навучальных установах зноў узрасце, што звязана з павелічэннем з 1 студзеня 2013 года тарыфнай стаўкі першага разраду. Аб гэтым журналісту "Звязды" паведаміў міністр адукацыі Сяргей Маскевіч:

— Натуральна, што ўслед за павелічэннем тарыфнай стаўкі першага разраду павінны вырасці і заробкі прафесарска-выкладчыцкага саставу. А значыць, плата за навучанне будзе пераглядацца...

Паводле слоў міністра, сёння студэнты платнай формы навучання не пакрываюць усе выдаткі, якія нясе ВНУ. Напрыклад, у Белдзяржуніверсітэце студэнты-платнікі пакрываюць толькі 42% усіх выдаткаў.
 
— Аднак не варта думаць, што ўсе грошы, якія ўносяцца студэнтамі платнай формы навучання, ідуць на заробкі выкладчыкам.

У гуманітарных ВНУ на кожнага выкладчыка сёння прыпадаюць 10 студэнтаў. Дапусцім, кожны з іх уносіць за сваё навучанне ў сярэднім штогод 10 мільёнаў рублёў. У гэтым выпадку заробак выкладчыка павінен быў бы перавышаць 8 мільёнаў штомесяц.

Але ж насамрэч гэта не так. Ёсць і іншыя артыкулы выдаткаў на падрыхтоўку спецыялістаў — тыя ж камунальныя плацяжы. Мы ўжо ведаем прапановы устаноў адукацыі па павышэнні сумы платы за навучанне, але пакуль няма інфармацыі пра карэктуючыя каэфіцыенты да тарыфных разрадаў, з дакладнымі лічбамі вызначыцца праблематычна. Мяркую, што плата за навучанне ўзрасце прапарцыянальна росту заробкаў.
 
Трэба дадаць, што ўзровень аплаты ў канкрэтнай ВНУ можа залежаць ад спецыяльнасці, якую атрымлівае студэнт, кваліфікацыі, стажу работы прафесарска-выкладчыцкага саставу і іншых педработнікаў, а таксама стану матэрыяльна-тэхнічнай базы. Традыцыйна самай дарагой (прычым не толькі ў нас, але і ва ўсім свеце ) з'яўляецца вышэйшая медыцынская адукацыя. Але кошт навучання ў БДУ і БДУІР на некаторых спецыяльнасцях літаральна наступае на пяты платнай падрыхтоўцы медыкаў.